نهى اباظه تكتب ماشي تماشي

ماشي تماشى مشي الماشي  ..زى ما كله فيها ماشى..

كافي غيري شري فى بيت ....ماشي عكسي  ارد فى حيط ....ولما السقف  جاله ازالة ..

.جه عدانى العيب ورسيت ..

ماشي تماشي

ماشي تماشي بتجري أوام .. .عمال تجرى ..شايل متشال ...كوسه بدنجان ...

.تقولش حرامى سارق دكان ...او دكتور هربان من شغله ...غلطه وميت فيها عيان ...

والل اتكلم ماكنش تمام ...

والل اتعلم ماكملش علام ....شغلك فيها زى مايطلع ....تعبك فيها زى العمال ....

والل يقولك حاجه بتخلص ... ولا حاجه تخلص لعب  عيال ..

ماشى تماشي 

ماشي تماشي بساعه ودقايق ....ساعه تفك وساعه تضايق ...ساعه تشوف الحلو فيها وتدعى يفضل و مايخلصش ...وساعه ياعينى  لازم تقضيها ...امتى حتخلص مابهزرش ..

ودقيقه تتمنى ماتشوفهاش ...حتى الحلم ياريته بلاش .....ليه راح فيها ...وليه ده عاش ...كله  رايح جاى 

فى دماغك ...والل راح زى الل ماجاش

وماشي تماشي

ماشيها بفيزا ..واشترى ببلاش....احسبها تانى .سلفه مع كاش...

ماشيها بباقه ...طب والمصاريف ..مصاريف مدرسه او مصيف صيف ....كلها فواتير ..وفلوس زى الرز ...حمام بيطير.....

 ...ايه يعنى قسط ..اهو كله يهون ...ماشيها بمزاجى ومش محروم....

...انا جاى دفيع ...ومش نفيع ....ولوجايه صاروخ ...   حمشيها سريع

وماشي تماشي

وماشيها صراحه ...انا نفسي  فى راحه.. حبة راحه بس  ادوق ..ودماغى عاليه فوق الفوق.. ..

 ولا حدش فيها يجيب سيرتى ... ولا حد  مكانى ييجى يسوق ..

انا نفسي افوق ...مش لازم شامبو ..خليها  مسحوق ....

وامشيها تمام

واهو 

يوم و بيخلص زى ماكان ..اغمض عينى ..أحلم   أنام....بس كابوسها يرن فى وشي ...ساعه وأشوفها وصلت كام ..

وماشي تماشي